CloudyHost è certificato con il certificato di sicurezza PCI DSS 2022
Si të reklamoni në Google
Reklamimi në Google është një nga zgjedhjet më të mira që mund të bëni për të zgjeruar biznesin tuaj. Google AdWords është platforma më e madhe dhe më e përdorur në botë e reklamimit në internet, dhe duke reklamuar në Google, biznesi juaj mund të arrijë një audiencë të mundshme prej miliona njerëzve.
Si funksionon reklamimi në Google
Google Ads ju lejon të vendosni reklama të ndryshme që shfaqen në rezultatet e kërkimit.
Reklamat zakonisht shfaqen para rezultateve organike.
Kjo është një mënyrë e shkëlqyeshme për të parë rezultate të menjëhershme, në krahasim me SEO-n.
![](https://webcdn-adespressoinc.netdna-ssl.com/wp-content/uploads/2019/04/image5-2.png)
Reklamuesit japin ofertën për të shfaqur reklamat e tyre në Google. Sa më shumë para një reklamues të ofrojë për një fjalë kyçe, aq më lartë do të shfaqet reklama e tyre. Zakonisht, reklama e parë merr më shumë klikime dhe trafik.
Një faktor tjetër i rëndësishëm që mund të ndikojë në rënditje është cilësia e përmbajtjes. Një rezultat me cilësi të lartë është i dobishëm për reklamuesit pasi ul koston e tyre mesatare për klikim deri në 50%. Sigurimi i optimizmit të reklamave tuaja dhe përmirësimi i cilësisë është një detyrë thelbësore nëse doni të përfitoni sa më shumë nga buxheti juaj.
Shembull se si Google përdor rezultatin e cilësisë për të përcaktuar pozicionin e reklamës
![](https://i1.wp.com/webhostblog.al/wp-content/uploads/2019/01/123456.jpg?resize=607%2C110&ssl=1)
1. Hapni një llogari
Hapi i parë është të klikoni në linkun e mëposhtëm: https://adwords.google.com/, i cili do t’ju çojë në faqen AdWords ku mund të krijoni llogarinë tuaj.
2. Përcaktoni buxhetin tuaj
Google Ads vepron sipas modelit pagese-per-klik (PPC), duke e bërë atë një rrjet të madh sigurie për fillestarët që testojnë Google Ads për herë të parë. Ju mund të filloni me $ 10 në ditë, por ju mund ta rrisni ose zvogëloni këtë shumë sipas rastit tuaj.
3. Vendosni vendndodhjen
Google AdWords ju lejon të targetizoni vendndodhjen gjeografike. Në këtë mënyrë ju mund të merrni rezultate më të mira nga përdoruesit. Kështu reklama juaj do të arrijë tregun lokal të klientëve potencialë, në vend që të shfaqet në ekranet e njerëzve që jetojnë në të gjithë botën.
![](https://www.greenhost.eu/blog/wp-content/uploads/2019/08/image-4.png)
4. Zgjidhni fjalët kyçe
Natyrisht, ju duhet të keni bërë hulumtimet e nevojshme për të përcaktuar fjalët kyçe të duhura për fushatën tuaj. Plotësoni listën me fjalët kyçe. Filloni të vendosni fjalët me të rëndësishme për shërbimin ose produktin që reklamoni.
![](https://cloudys.it/blog/wp-content/uploads/sites/2/2019/09/keyword-planner-suggestons.gif)
5. Vendosni ofertën tuaj për reklamimin
Vendosni ofertën në mënyrë që reklama juaj të shfaqet në faqen e rezultateve kur dikush kërkon për atë fjalë kyçe. Nëse një faqe interneti ka një reklamë të barabartë përsa i përket kërkimit që po bëhet dhe është i gatshëm të paguajë më shumë për klikim, atëherë reklama e tyre do të shfaqet më e lartë.
6. Rishikoni reklamën
Hapi tjetër është të rishikoni fjalët kyçe dhe reklamën në përgjithësi, për t’u siguruar që gjithçka është në rregull. Në fund, kontrolloni gjithashtu shumën që keni vendosur për reklamën.
7. Analizoni performancën tuaj
Google Ads Dashboard ju ndihmon në vlerësimin e performancës së reklamës. Ju mund të shikoni se sa njerëz kanë parë reklamën tuaj, numrin e klikimeve dhe sa para keni shpenzuar në fushatë. Eksperimentoni me fjalët kyçe, rritni apo ulni buxhetin tuaj, për të parë se si të dy faktorët ndikojnë në arritjen tuaj dhe normën e klikimeve.