5 gabime UX që duhen shmangur në faqen e internetit

Ndërtimi i faqes në WordPress mbi dhjetë vjet më parë, kishte një kurbë masive të të mësuarit.

Sot, fillimi i një faqe në internet me WordPress është shumë i lehtë: Regjistroni Domain, zgjidhni paketën host që ju përshtatet, klikoni në butonin “Instalo WordPress”, zgjidhni një temë të këndshme dhe vazhdoni me personalizimin e faqes tuaj.

Disa klikime të një butoni dhe — Bam! Ju keni një faqe në internet.

Edhe pse platformat e ndërtimit të faqeve të internetit kanë bërë një rrugë të gjatë për sa i përket përdorshmërisë në vitet e fundit, kjo nuk do të thotë se nuk ka disa gabime të përvojës së përdoruesit (UX) që duhet t’i merrni në konsideratë.

Ky artikull përmban pesë gabimet më të zakonshme të UX që duhen shmangur në faqen tuaj të internetit.

1. Mos zgjedhja e një teme Mobile – Friendly

Konsumatorët përdorin telefonët e tyre për të kërkuar faqet e internetit dhe për të bërë blerje. Sipas Statista, kërkimi me anë të mobile përbën më shumë se gjysmën e trafikut global të faqes në internet. 79% e përdoruesve të smartphone bëjnë blerjet përmes mobile. Ndaj, nëse faqja juaj në internet nuk duket mirë në mobile, ju do të humbisni klientë të mundshëm.

2. Zgjedhja jo e duhur e paketës host

Shumica e poseduesve të rinj të faqeve të internetit fillojnë me një plan bazë të hostimit.

Nëse planifikoni të ndërtoni një faqe me shumë shtojca të ndryshme, do t’ju duhet më shumë hapësirë në server për ta mbajtur faqen e shpejtë.

Kur filloni të shihni rritje të mëdha në trafik, kjo e bën serverin të punojë më shumë. Ndërkohë që faqja juaj rritet, rritet edhe nevoja juaj për hapësirë në server.

Nëse faqja juaj në internet fillon të ngarkohet, do të filloni të humbisni vizitorë. Në terma të tjerë, koha ideale e ngarkimit të faqes në internet nuk duhet të zgjasë më shumë se 2 sekonda, pa marrë parasysh kush është serveri juaj i pritjes, cilat shtojca jeni duke ekzekutuar dhe cilët shfletues po përdorin klientët.

Statistikat tregojnë se probabiliteti që klientët të largohen nga faqja juaj rritet me 32% nëse koha e ngarkimit të faqes rritet nga 1 në 3 sekonda.

Ndërsa filloni të ndërtoni faqen tuaj të internetit, merrni parasysh atë që dëshironi të bëni, sa trafik parashikoni dhe zgjidhni një plan hostimi me RAM dhe CPU të mjaftueshëm për nevojat tuaja.

Nëse nuk jeni të sigurt se cili plan hostimi është më i miri për ju, kontaktoni ekipin e suportit tonë që t’ju ndihmojë. Ne ofrojmë suport 24/7 dhe do t’ju ndihmojmë të vendosni se cili plan është më i miri për ju.

Mos harroni gjithashtu që ju mund të kaloni në një paketë tjetër nqs shikoni që faqja juaj është rritur dhe që paketa aktuale nuk është mjaftueshëm për faqen tuaj.

3. Teprimi me features

Thjeshtësia dhe shpejtësia janë thelbësore për një përvojë të jashtëzakonshme të përdoruesit. Projektimet më të përshtatshme për përdoruesit e faqeve në internet përfshijnë:

Menutë kryesore dhe dytësore të navigimit të jenë sa më të qarta
Një skemë me ngjyra tërheqëse
Imazhe me rezolucion të lartë që përputhen me markën
Një thirrje për veprim në një buton të klikueshëm
Informacioni më i rëndësishëm të jetë i pari
Links më pak të rëndësishëm në fund të faqes

Një rregull tjetër për të ndihmuar përdoruesit e faqes tuaj është të siguroheni që ata të gjejnë atë çfarë kërkojnë duke mos kërkuar shumë thellë.

Për shembull, nëse një klient ka nevojë të kontaktojë me ju, me 3 klikime duhet ta realizoj këtë veprim.

4. Mos investimi në përmbajtjen e faqes

Përmbajtja e faqes tuaj të internetit luan një rol të rëndësishëm në UX e faqes. Nëse teksti është i paqartë, jo i organizuar ose shumë i rënduar, lexuesit do të largohen nga faqja juaj.

Si të formatoni përmbajtjen e faqes suaj të internetit për të përmirësuar UX?
Këtu janë disa këshilla se si ta arrini këtë.

Zgjidhni një font të pastër

Papirusi mund të jetë i lezetshëm për festën e ditëlindjes së një fëmije, por nuk është zgjedhja e duhur për një faqe në internet. Zgjidhni diçka të lehtë për sytë.

Projektuesi grafik, Daniel Ruesch, thotë, “Kriteret më të rëndësishëm për zgjedhjen e shkronjave për përdorim në çdo media është të zgjidhni një font që përputhet me tonin e mesazhit tuaj. Duhet t’i kushtoni rëndësi dhe lexueshmërisë. Nuk është mirë të përdorësh shkronja që lexohen me vështirësi.”

Lajmi i mirë është se shumica e temave WordPress janë ndërtuar paraprakisht me një dizajn të shkëlqyeshëm në mendje.

Teksti sa më i shkurtër dhe i qartë

Gjëja e fundit që një vizitor dëshiron të bëjë është të analizojë paragrafët e tekstit. Kjo është veçanërisht e vërtetë nëse dikush po viziton faqen tuaj nga një pajisje e vogël mobile. Ndaj, ndani tekstin në paragrafë, shkurtoni fjalitë si dhe vendosni tituj.

Konsideroni hapësirën e bardhë

Hapësira e bardhë është çdo hapësirë në faqen tuaj që nuk ka tekst ose një imazh. Hapësira e bardhë është po aq e rëndësishme sa çdo element tjetër i dizajnit dhe kontribon në UX-in e përgjithshëm të faqes tuaj. Ju mund të përdorni hapësirën e bardhë për të vendosur pikat kyçe dhe t’u tregoni përdoruesve se çfarë përmbajtje është thelbësore.

Përdorni kolona

Kolonat janë më të lehta për organizim. Shikoni shembullin më poshtë:

Përdorimi i katër kolonave i ndihmon lexuesit të kuptojnë menjëherë avantazhet që ju keni paraqitur.

Le të riimagjinojmë të njëjtin tekst të thjeshtë por pa përdorimin e kolonave

Edhe pse fjalët janë saktësisht të njëjta, nuk është e thjeshtë të lexosh tekstin. Formati i stilit të paragrafit është një garanci që vizitorët do të klikojnë në faqen tuaj të internetit.

Këshilla për shkrimet që përmirësojnë UX

Tani që kemi folur për formatin e tekstit, le të flasim për mënyrën e përdorimit të fjalëve në një mënyrë që do të ndihmojë lexuesit tuaj të lundrojnë në faqen tuaj.

Shkruani në nivel të klasës së 6-të

Përdorni fjalë që janë të lehta për t’u kuptuar. Një rregull i mirë është të synoni një nivel leximi të klasës së 6-të.

Etiketoni menutë dhe titujt tuaj të navigimit

Menutë dhe titujt tuaj të navigimit duhet të tregojnë saktësisht se çfarë janë ato dhe çfarë përmbajnë.

Shkruani CTA-të e qarta

Çdo faqe në internet duhet të përfshijë CTA-të e qarta. Me fjalë të tjera, ju duhet të shkruani një veprim që u tregon lexuesve saktësisht se çfarë dëshironi të bëjnë ata.

Faqja e Kelsey O’Halloran, ofron depërtim në atë që është një CTA dhe pse ka rëndësi. Ajo thotë, “Një thirrje për veprim është ndryshimi midis: ‘ Kafeja është e këndshme ’, kundrejt,‘ Hej, le të marrim një kafe javën tjetër.’ Fjalia e parë është thjeshtë një deklaratë; tjetra është e qartë, e drejtpërdrejtë dhe e krijuar për të shkaktuar një veprim ose përgjigje.

Kur shkruan një CTA, Kelsey thotë, “Para se lexuesit tuaj të klikojnë thirrjen tuaj për veprim, ata duan të dinë se ku do t’i çojë ose çfarë do të bëjë. Pra, në vend që të bëheni krijues me thirrjet tuaja për veprim, qëndroni tek fjalët e qarta dhe të thjeshta që lexuesit do të prisnin të shihnin, si “Blini Tani” ose “Regjistrohuni“.

Faqja e Kelsey është gjithashtu vendi i përsosur për të vizituar për shembuj të CTA-ve të qarta. Nëse kontrolloni faqen e saj të internetit, do të shihni paragrafë me një titull të qartë, një përshkrim të jashtëzakonshëm dhe të thjeshtë dhe një thirrje për veprim në fund të çdo teskti.

Me një shikim, lexuesit e dinë saktësisht se ku të klikojnë nëse duan të mësojnë më shumë rreth shërbimeve të saj.

5. Mos e teproni me pop-ups

Shtimi i disa pop-ups në faqen tuaj është një mënyrë e mirë për të marrë adresat email të klientëve, për t’i drejtuar lexuesit tuaj në një faqe specifike dhe për të rritur konvertimet.

Ne do të inkurajonim që çdo posedues faqesh të shtojë disa pop-ups të vendosura mirë në faqen e tyre.

Sidoqoftë, vjen një moment kur pop-ups bëhen shumë, dhe një përdorues do të zhgënjehet.

Mos vendosni një pop-up sa herë që dikush lundron në një seksion të ri të faqes së internetit, apo të vazhdojnë të shfaqen pa pushim ndërsa lexuesit lëvizin në përmbajtjen tuaj.

Sa herë që shtoni një pop-up, sigurohuni që të jetë e lehtë për lexuesit të dalin nga pop-up.